Bruto tempo di Gianfranco Pacco su Aphorism.it

Son sula zima de un colle
che domino Trieste
sento i grili tuto intorno
‘ncora prima che fazi giorno

Xe tanta erba alberi e fiori
xe profumi e xe colori
vedo el mar: el xe calmo
nuvole nere se sta avicinando

Pioverà sicuro ma desso xe suto
i cocai vien a tera co xe bruto
de una parte la zità, le case, el porto, i cantieri
de l’altra l’orizonte che me fa sognar
ogi doman e ieri

Si perché volessi ‘ndarghe oltre
magari con un tufo
rivar lontan
ma la tera xe tonda
ghe penserò doman

Intanto me godo el panorama
Trieste xe proprio bela
me sa che un de ‘sti giorni
farò vignir mia sorela

Magari la fazo rivar
in nave dal mar
‘ndando pian pian
anca in machina
e perché no in areoplan

Unica roba devo ricordarme
per no farla star mal
che no la vegni subito
Che ‘sta rivando temporal