username o email
password

Ti piace Aphorism?
Segnalaci su Google

Inserisci la tua e-mail per ricevere gli aggiornamenti

in archivio dal 04 mag 2007

Salvatore Di Giacomo

1860, Napoli
1934, Napoli
Segni particolari: Tra le tante canzoni di successo di cui ho scritto il testo ci sono: "Marechiaro", "Era de maggio", "Luna nova", "Palomma 'e notte", "Carulì".
Mi descrivo così: Poeta, drammaturgo e saggista napoletano, autore di molte notissime poesie in dialetto (molte delle quali poi musicate) che costituiscono una parte importante della cultura popolare partenopea.

elementi per pagina
elementi per pagina
  • 04 maggio 2007
    Marechiare

    Quanno sponta la luna a Marechiare
    pure li pisce nce fann' a l'ammore,
    se revotano l'onne de lu mare,
    pe la priezza cagneno culore
    quanno sponta la luna a Marechiare.

    A Marechiare nce sta na fenesta,
    pe' la passione mia nce tuzzulea,
    nu carofano adora int'a na testa,
    passa l'acqua pe sotto e murmuléa,
    A Marechiare nce sta na fenesta
    Ah! Ah!
    A Marechiare, a Marechiare,
    nce sta na fenesta.

    Chi dice ca li stelle so lucente
    nun sape l'uocchie ca tu tiene nfronte.
    Sti doje stelle li saccio io sulamente.
    dint'a lu core ne tengo li ponte.
    Chi dice ca li stelle so lucente?

    Scetate, Carulì, ca l'aria è doce.
    quanno maie tanto tiempo aggio aspettato?
    P'accompagnà li suone cu la voce
    stasera na chitarra aggio portato.
    Scetate, Carulì, ca l'aria è doce.
    Ah! Ah!
    O scetate, o scetate,
    scetate, Carulì, ca l'area è doce.

     
  • 04 maggio 2007
    Era de Maggio

    Era de maggio e te cadéano 'nzino,
    a schiocche a schiocche, li ccerase rosse...
    Fresca era ll'aria...e tutto lu ciardino
    addurava de rose a ciento passe...

    Era de maggio, io no, nun mme ne scordo,
    na canzone cantávamo a doje voce...
    Cchiù tiempo passa e cchiù mme n'allicordo,
    fresca era ll'aria e la canzona doce...

    E diceva: «Core, core!
    core mio, luntano vaje,
    tu mme lasse, io conto ll'ore...
    chisà quanno turnarraje!»

    Rispunnev'io: «Turnarraggio
    quanno tornano li rrose...
    si stu sciore torna a maggio,
    pure a maggio io stóngo ccá...»

    Si stu sciore torna a maggio,
    pure a maggio io stóngo ccá."

    E só' turnato e mo, comm'a na vota,
    cantammo 'nzieme lu mutivo antico;
    passa lu tiempo e lu munno s'avota,
    ma 'ammore vero no, nun vota vico...

    De te, bellezza mia, mme 'nnammuraje,
    si t'allicuorde, 'nnanz'a la funtana:
    Ll'acqua, llá dinto, nun se sécca maje,
    e ferita d'ammore nun se sana...

    Nun se sana: ca sanata,
    si se fosse, gioja mia,
    'mmiez'a st'aria 'mbarzamata,
    a guardarte io nun starría!

    E te dico: «Core, core!
    core mio, turnato io só...
    Torna maggio e torna 'ammore:
    fa' de me chello che vuó!

    Torna maggio e torna 'ammore:
    fa' de me chello che vuó!»

     
  • 04 maggio 2007
    Pianefforte ‘e notte

    Nu pianefforte ‘e notte
    Sona lontanamente
    E ‘a musica se sente
    Pe ll’aria suspirà.

    E’ ll’una: dorme ‘o vico
    Ncopp’a sta nonna nonna
    ‘e nu mutivo antico
    ‘e tanto tempo fa.

    Dio, quanta stelle cielo!
    Che luna! E c’aria doce!
    Quanto na bella voce
    Vurria sentì cantà!

    Ma solitario e lento
    More ‘o mutivo antico;
    se fa cchiù cupo o vico
    dint’a all’oscurità.

    Ll’anema mia surtanto
    rummane a sta funesta.
    Aspetta ancora. E resta,
    ncantannose, a penzà.

     
  • 04 maggio 2007
    Marzo

    Marzo: nu poco chiove
    e n’ato ppoco stracqua
    torna a chiovere, schiove,
    ride ‘o sole cu ll’acqua.

    Mo nu cielo celeste,
    mo n’aria cupa e nera,
    mo d’’o vierno ‘e tempesta,
    mo n’aria ‘e Primmavera.

    N’ auciello freddigliuso
    aspetta ch’esce ‘o sole,
    ncopp’’o tturreno nfuso
    suspireno ‘e vviole.
     
    Catarì!…Che buo’ cchiù?
    Ntiénneme, core mio!
    Marzo, tu ‘o ssaie, si’ tu,
    e st’ auciello songo io.