Nu bambineddu Gesù

C'è nu bambineddu Gesù
ch'ogni ghiornu nasci
rintra lu cori
di ri piccìriddi
ca nun canusciunu
arburu d'abbunnanza
e piattu ri sustanza.

C'è nu bambineddu Gesù
ch'ogni ghiornu nasci
sutta li celi ri la speranza
Nta li preghieri di na matri
tra na vovò
e na figurina santa.

C'è nu bambineddu Gesù
ch'ogni ghiornu nasci
rintra lu lettu di nu mischinu
tra li cuperti ri cartuni
e li materazza ri cementu

C'è nu bambineddu Gesù
ch'ogni ghiornu nasci
nta l'occi ri nu vecciu
lassatu sulu arretu a na finesra
nta n'agnuni ri ricuordi
scacci canti tarantelli
C'erano na vota puru
quattru figghi beddi.

C'è nu bambineddu Gesù
ch'ogni ghiornu si posa
supra lu pettu ri la cuscienza
chidda ca n'aspetta natali
ppi rialari a lu bisognusu
crianza e cibu i sustanza…

C'è nu bambineddu Gesù
ch'ogni ghiornu nasci ppi tutti
sutta li vesti dill'amuri
c'aspetta r'essiri cugghiutu
nda li nachi ri la vita
ppi esseri luci
ppi esseri paci.
Ppi essiri donu.
‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐
Traduzione

C'è un bambinello Gesù
ch'ogni giorno nasce
dentro il cuore
di quei bambini
che non conoscono
l'albero dell'abbondanza
piatto di sostanza.

C'è un bambinello Gesù
ch'ogni giorno nasce
sotto i cieli della speranza
nelle preghiere d'una madre
tra una ninna nanna
ed un'immagine santa.

C'è un bambinello Gesù
ch'ogni giorno nasce
dentro il letto d'un poveraccio
tra coperte di cartone
e materassi di cemento.

C'è un bambinello Gesù
ch'ogni giorno nasce
negli occhi d'un vecchio
lasciato solo
dietro ad una finestra
in un angolo di ricordi.
Focacce, canti, tarantelle
C'erano una volta pure
quattro figli belli.

C'è un bambinello Gesù
ch'ogni giorno si posa
sul petto della coscienza...
Quella che non aspetta Natale
per donare ai bisognosi
gentilezza e lauto pasto.

C'è un bambinello Gesù
ch'ogni giorno nasce per tutti
sotto il vestito dell'amore,
c'aspetta d'esser raccolto
dalle culle della vita
per essere luce
per essere pace
per essere dono.