'A MAMMA

Arapeme sti bracce : io voglio chiagnere
Ncopp’a stu pietto tuio ca m’ha allattato !
Dinto a sti mmane ‘a faccia aggia annasconnere
Ca m’hanno accarezzato !

Ncopp’a sta spalla ca me po’ surrejere
Tu lasseme appuja’ nu pucurillo,
comme facive, e me purtavi nzuocolo
quenn’ero piccirillo!

E piccerella è rumanuta st’anema
Ca s’è guardata attuorno e nun ha visto
Ca cchiu tu cride ‘a ggente e chiu t’engannano
E ca stu munno è triste !

Arapame sti’ bbracce! A lloro tornano
Tutt”e penziere miei : Mamma mia bella !
Cu’o raggio ‘e ll’uocchie, mamma mia, tu guardame
Chiaro comm’’a ‘na stella.

Vasame nfaccia, e nun te piglià collera !
Mo’ so turnato a te, mo so’ felice !
‘a ggente parla ? e falla parlà ‘a schiovere !
Chello ca dice dice.

Si, si ! stong cu te ! Si,si cuntentate!
Rideme sempe cu sta’ vocca doce !
Me sape cunzulà meglio ‘e nu balzamo
‘o suone ‘e chesta voce!

L’ammore ‘e mamma, tuttuquanto ‘o diceno,
è ‘o ver’ammore, è chillo ca nun more!...
vien’’acca, vien’’acca…..sti ccose passano !
rieste tu sola dint’a chistu core.