Mise e mise mmiéz'a mare,  
brutta vite chélla marenare!  
Gliù bèglie iuorne de sbarcà,  
sèmpe e sole ad aspettà.  
  
Finalnente arrive la nutizie,  
pròsseme puorte, che delizie!  
Ècche, a buorde gliù rimpiazze   
isse cumènze e ìe che lasse.  
  
Tutt'è fatte, ogne cose è pronte,  
valigie mmane lasse gliù pònte,  
la lance avvìe gliù motore,  
Ì so triste, n'n tènghe core.  
  
Nove mise so ppassate  
aspettènne stu mumènte  
e quanne 'nfine è arrevate  
n'n so chiù tantu cuntènte.  
  
Allà, d'ogne nave a buorde,  
se lasse vite che ne scuorde   
e comme vache, a mane a mane,  
m'èsce na lacreme e m'alluntane.  
  
Tuccate tèrre tutt'è passate,  
l'emozione me so scurdate,  
ate prateche s'hanna fà  
e apuó pensà a returnà.  
  
Finalmente stonche 'nvole  
manche cacché ora sole  
se refà sentì l'emozione  
pe gli'arrive alla stazione.  
  
Mane a mane m'avvicine  
simme assaie chiù vicine,  
gliu trène trase in gallerie  
gliù core batte in sintonie.  
  
Quande appare gliù bagliore  
signe ca stimme pe scì fore,  
me 'ncammine pe la porte  
ma l'emozione è troppa forte.  
  
Me férme allore a guardà fore  
cu gli'abituale batticuore,  
gliù Starnande sponte a mare  
e, a seguì, la mandóla care.  
  
A stu punte che pozze fà?  
rèste immobele a guardà,  
pe nasconne a chi accante  
le doce lacreme de piante

Gliù sbarche

Gliù trène lasse la stazione,  
chigliu dun‐dun che lòtena canzone!  
È già brutte partì pe tutte chiglie  
che lassene spose, case e figlie,  
ma è tante chiù triste assaie  
se quande tuorne n'n le saie.  
  
Gliù juorne appriésse  in agenzie,   
prateche de mbarche 'ncapetanerie,  
cunségne a bbuorde pe la partènze,  
une sbarche e gli'ate che cumènze.  
  
Ncòppe la nave vite de mare  
antiche destine de marenare:  
uardie, nanòvre e ducumiénte,  
careche, scareche, ate mumiénte,  
sèmpe, cu tempèste o cu bunacce,  
cu mare calme o margiate 'nfacce.  
  
Passene juorne, settemane e mise  
tanta trestézze senza maie na rise,  
sola speranze uneche cunfuorte  
gliù mumènte degli'arrive 'mpuorte  
quande finalmente  l'agenzie  
pòrte nutizie degli'amoru tije.  
  
Ma a vote, pe na ragione o l'ate,  
chélla léttere, pe quante desiate,  
n'n arrive e, triste e scunsulate,  
te siénte suglie e desperate.  
  
Utema resorse parlà agliù viénte  
dumande poche e t'accuntiénte:  
"Viénte che vaie, tu che viéne e vaie,   
damme na 'mbasciate de chi saie!  
Baste poche, na cosa sole,  
na bona nove e me cunsole.  
Ma che faie, n'n dice niénte?  
N'n sarà maie ca n'n ce siénte?"  
  
Gliù viénte sènte, sènte e comme!  
ma tire deritte... e ne responne.

Salvatore Antetomaso

Poesie di Salvatore Antetomaso

Gliù sbarche

Trestézza marenare - 1965