Refolade

La sburta lontan
parole e pensieri
la fa confusion
sbatendo sui muri

La gente se sveia
rumor tropo xe
che nei piani alti
ghe trema el role'

E solita storia
''camina sul molo''
cussi' che'l clabuk
fa un tufo da solo

'Sta ''granda'' persona
altro no ga de far
che far el mona
e 'ndar rente el mar

Spetemo momento
co'l refolo bon
dele clanfe tandul
te diventi campion

Bon desso vado
xe matina bonora
preparo cafe'
anche per la bora

© gianpacco 28.10.12