Datt’ na mossa c’ ‘a vita è ‘nu muorzo, e chell’ ca' può fa oggi, dimane nun ‘o può fa.  
Nun perdere tiempo, pecchè ‘o tiempo è denaro.  
Ricordate c’ ‘a vita nun t’aspetta, continua a scorrere pure senza ‘e te.  
Nun te fa’ chiovere ‘nguoll, guardanno ‘a vita ‘e l’àt da ‘a fenesta, comm’ a ‘nu spettatore falluto.  
Sii’ tu ‘o protagonista da vita toia! Nun dà retta ‘e chiacchiere, ‘a mmiria e ‘a gelosia…  
Si’ comme ‘nu fiore mmiez’ a tanti spine... E nun te scurdà ‘e fa’ sempe ‘o bbene, pecchè chell’ ch’ dai te ritorna.  
Puort’ ‘a cumpiment’ ‘a missione c’ ‘o Signore t’ha mannat’, danno ‘nu vero senz’ a chesta vita ch’ è ‘nu muorzo.

Datt' na mossa

‘O cane   
  
‘O cane è ‘o meglio cumpagno nuoste….   
Nun ce abbandona all’improvviso, comm’ fanno l’uommn;   
Nun se ne fotte si tien ‘e sord, ‘o potere e ‘a cassaforte: s’accuntenta do’ bbene e da’ presenza.   
Te sta vicino dint’ ‘o bbene e dint’ ‘o male: è carnale, è fedele, è ‘o ver’ amico…   
Quanno te guarda cu’ chill’uocchie doci, t’accarezza l’anema, comme pochi sanno fa’.   
Dint’ a ‘nu munno chino ‘e crudeltà, ‘nu cumpagno bbuono, è a cosa cchiù bella ca ce stà.

‘O cane

Pure quanno pare ca’ va tutt’ stuorto, 
quanno pienze ca tutt’ 'e problemi è tiene tu, 
quanno chi t'avessa da 'a forza, 
te fernesce 'e scarrupa'…  
Proprio dint'a chisti mument’ nun ‘e mulla'.  
‘O saccio, 'a tristezza ca pruove è tropp’ assaje, 
ma tu truove ‘a forza pe' fa’ schiatta' 'a malasciorta.  
Nun perdere ‘o surriso; 
nun te fa’ abbattere a chi è funesto…  
Guarda a chi porta ‘a luce e 'o surriso…
chi cu tutt' ‘e problemi ca tene, 
continua ‘a fa 'o bbene e porta l'alleria. 
Perciò, m'arraccumanno, 
nun te ferma: cammina dint' ’o bbene, 
e quanno vene ‘a malasciorta, 
fatte na risata e falla asci' a chell'ata porta.

Michele Acanfora

Biografia

Poesie di Michele Acanfora

Datt' na mossa

‘O cane

Cchiù forte da malasciorta