Poesia
Rugna la bora
La sburta e la sbati
la sufia savemo
ma no me ricordo
come ‘sto giro
che la gabi rucado
tuto de un tiro
Co’ iera le rafiche
che ga fato dani
se moveva el leto
e l’atacapani
però una roba
nissun la sentiva
ma come cossa?
che la rugnava
La bora “parlante”
de ‘sto primo marzo
ga spacado anca
i nostri pensieri
corendo e contandone
quel che no va
se metemo a posto
ela no zigherà
In giro pe’l mondo
Xe sempre rogne
succedi de secoli
Nissun ga inventado
la fame, la guera
e l’omo malado
Chi vol capuir
el ga za capido
e chi xe nel dubio
che’l pensi ‘ssai ben:
far el mona ‘vanti
no ghe convien
che magari un giorno
che’l magna tranquillo
el suo zervel
xe perso ‘ssai spesso
e la bora che rugna
ghe fa ‘ndar per tresso